Мақалада білім беруді цифрландыру жағдайында болашақ информатика мұғалімдеріне информатика тарихын оқытудың тиімділігі жайлы қарастырылған. Тәжірибе Абай атындағы Қазақ ұлттық педагогикалық университеті, Математика, физика және информатика институты базасында 6B01507–Информатика мамандығының студенттеріне жүргізілді. Зерттеу жұмысы үш кезеңнен тұратын педагогикалық эксперимент негізінде жасалды, нақтырақ айтқанда: бірінші кезең – анықтау, екінші кезең – қалыптастыру, үшінші кезең – бақылау. Бақылау-өлшеу материалдары ретінде тест, сауалнамалар, эссе жазу қолданылды. Эксперименттік жұмыстың нәтижелерін талдау кесте, диаграмма түрінде графикалық түрде ұсынылған. Эксперименттік жұмыстың кезеңдерінде: талдау, жалпылау, жүйелеу, байқау, сауалнама, тестілеу, зерттеу және педагогикалық тәжірибені жалпылау пайдаланылды. Әзірленген әдістемелік жүйенің тиімділігі болашақ информатика мұғалімдерінің тарихи-ақпараттық білімінің қалыптастырумен анықталды. Эксперименттік жұмыстың нәтижесінде жаңартылған мазмұн бойынша әзірленген төңкерілген оқулық негізінде жасалған  әдістеменің тиімділігі тексерілді.