Мақала AR технологиясы мысалында білім берудегі цифрлық технологияларды қолдану саласындағы зерттеулерге жүйелі шолу жасауға арналған. Өтпелі цифрлық технологияларды пайдалану нарық талаптарына сәйкес мамандарды даярлауды, цифрлық білім беру технологияларын пайдаланудың халықаралық тәжірибесін енгізу және педагог кадрларды кәсіби даярлаудың тиімділігін арттыру есебінен идеяларды генерациялауды және цифрлық серпінді технологияларды әзірлеуді көздейді.

Мақалада цифрлық технологиялар бағыттарының бірі білім беруде AR технологиясын қолдану қарастырылған. Бір жағынан білім беруде AR-технологиясын қолданудың тиімділігі мен қажеттілігі және AR-технологиясын іске асыру үшін 3D-объектілерді модельдеу мәселелерінде педагогтердің құзыреттілігінің жеткіліксіздігі, екінші жағынан қазақстандық білім беруде AR-технологиясын 3D модельдеу және пайдалану бойынша дайын шешімдердің болмауы осы салада зерттеулер жүргізу үшін объективті алғышарт туғызады. Мақаланың мақсаты білім беруде AR технологиясын қолданудың отандық және шетелдік тәжірибелеріне талдау жүргізу болып табылады.