Мақалада ақпараттандыру технологияларын интеграциялау жағдайында болашақ педагогтарды даярлау тиімділігін эксперименттік негіздеу мәселесі қаралады. Тәжірибелік-педагогикалық жұмыстардың мазмұны бөлімі үш кезеңнен тұрады: ізденушілік-анықтау сатысында студенттердің ақпараттандыру технологияларын интеграциялау жағдайындағы даярлық деңгейін қалыптастырудағы  анықталған кемшіліктерге байланысты жұмыстар жүргізілді. Эксперименттің екінші қалыптастыру сатысында цифрлық білім беру ортасында, тиімділіктің өлшемдері мен көрсеткіштерін нақтылау (қажет болғанда), студенттердің даярлық деңгейі  мен тәжірибелік-педагогикалық жұмыстардың тиімділігін бағалау жүзеге асырылды. Қорытынды сатысында қалыптастыру шеңберіндегі параллельді эксперимент немесе қайталанған, таңдап алынған, қалыптастыру эксперименті, студенттердің ақпараттандыру технологияларын интеграциялау жағдайында қалыптасу деңгейі диагностикаланды. Зерттеудің эксперименттік бөлігінің нәтижелерін өңдеу үшін математикалық статистика әдістері қолданылды. Зерттеу нәтижесінде эксперимент тобы жоғарғы көрсеткішті көрсетті. Бұл ұсынылған әдістеменің тиімділігін дәлелдеді.