Бүгінгі таңда STEM (science, technology, engineering and mathematics) білім беру тәсілдері өскелең ұрпақтың цифрлық және ғылыми сауаттылығын арттыруға бағытталған жаңа әдістредің бірі. Осыған орай, бұл мақалада жаңа бағыттағы болашақ информатика мұғалімдерін қалыптастыру мен оқытудың негізгі тенденцияларын анықтау барысында STEM білім беру әдісін қолданудың әлемдік деңгейін анықтау бойынша тиімді зерттеулерге жасалған жүйелік шолу нәтижелері туралы баяндалған. Дәлірек айтқанда, STEM білім беру мүмкіндіктерін информатика саласынында дәстүрлі біліммен қатар қолдану бағыты мен  оның тиімділігін анықтау барысындағы соңғы 5 жылдағы дүниежүзілік рецензияланатын ғылыми әдебиеттердің бірыңғай библиографиялық және рефераттық дерекқоры Scopus-та жарияланған ғылыми  мақалаларға жүйелі шолу көрсетілген. Оны анықтау үшін кілттік сөздер арқылы мақала тақырыптары мен түйіндемелеріне контент-талдау әдісі жүргізілген. Нәтижесінде, Scopus ғылыми мәліметтер қорларындағы 2018-2022 жылдар аралығындағы STEM білім беру мен информатика саласынын зерттеу сұрақтары мен даму бағыттары анықталған. Бұл зерттеудің негізгі мақсаты - STEM білім беру негізінде болашақ информатика мұғалімдерін дайындау әдістемесін жетілдірудің қажеттігін анықтауға және зерттеу тенденцияларын жүйелі түрде картаға түсіруге негіз болған.