Мақалада онлайн-зертханалық сабақтарды өткізуге арналған платформалар сараланды, нәтижесінде оқыту ортасын құру үшін шешім ретінде виртуалды оқыту платформасы ұсынылды. Қашықтықтан оқытудың заманауи платформалары педагогикалық технологиялармен үйлескен студенттердің талаптарын қанағаттандыру процесінде онлайн тапсырмалар арқылы оқытудың ыңғайлылығын қамтамасыз етеді. Анықталған нәтижелер негізінде оқу жетістіктерін жақсарту мақсатында бейнесабақтар, тапсырмалар, теория ұсынылды. Талдау қазақ тілінде онлайн-зертханалық сабақтар өткізуге арналған платформалардың жоқтығын анықтады. Осы зерттеулер негізінде орта мектептің 7-сыныбында информатика оқулығы негізінде информатика бойынша зертханалық сабақтардан өту үшін онлайн-оқыту ортасының мазмұны мен құрылымы анықталды. Онлайн-зертханалық сабақтарды өткізуге арналған Платформа wordpress және қосымша плагиндерді пайдалана отырып құрылды. Оған тиімді таңдалған тақырыптар бойынша бейнесабақтар, түрлі қосымша қызықты ақпарат және білімді бекітуге арналған тест тапсырмалары кіреді.