Мақалада цифрлық аналитиканың жоғары білім сапасына әсер етуінің әлемдік және отандық тәжірибесі қарастырылған. Жоспарланған зерттеулердің маңыздылығы мен өзектілігі оның жоғары білім сапасын арттыру және заманауи талаптарға бейімделу әлеуетінде жатыр. Білім беруде цифрлық аналитиканы қолдану студенттердің жетістіктеріне, білім беру бағдарламалары мен оқу үдерістерінің тиімділігіне әсер ететін маңызды факторларды анықтауға мүмкіндік береді. Жоғары оқу орындарының алдында тұрған негізгі міндеттердің бірі – жоғары оқу орындарында қалыптасатын үлкен көлемдегі мәліметтерді өңдеу және талдау. Білім беруді басқару жүйесінде студенттер, оқу жоспарлары, мұғалімдер және оқу үдерістері туралы ақпарат үздіксіз жинақталады. Бұл деректерді цифрлық аналитика арқылы талдау білім сапасына әсер ететін заңдылықтарды, тенденцияларды және маңызды факторларды анықтауға мүмкіндік береді. Дегенмен, мұндай көлемдегі ақпаратты тиімді өңдеу және талдау үшін инновациялық әдістер мен құралдарды әзірлеу және қолдану қажет.