Мақала қолданыстағы цифрлық мазмұнды талдау нәтижесінде бастауыш мектепте инклюзивті білім беруге арналған «Цифрлық сауаттылық» курсының цифрлық мазмұнының тізбесі мен классификациясын анықтауға бағытталған. Халықаралық тәжірибе мен ішкі зерттеулерге сүйене отырып, инклюзивті білім берудегі «Цифрлық сауаттылық» курсының цифрлық мазмұнындағы негізгі проблемалар анықталып қана қоймай, бұл мәселені шешу жолдары ұсынылды. Цифрлық мазмұнды талдау негізінде электрондық оқулықтың бөлімдерінің ерекше білім беру қажеттіліктері бар балаларға жарамдылығы анықталды. Сауалнама мен сұрастырулардың нәтижелерін пайдалана отырып, ата-аналар мен мұғалімдердің кейбір пікірлері анықталды. Сондай-ақ кейбір шектеулері бар балаларға білім берудің осы саласының оң және теріс жақтарын анықтау мақсатында Қазақстан Республикасының негізгі құжаттарына талдау жасалды. Қолданыстағы цифрлық контенттер талданды және толықтырылған шындықты (AR) әзірлеуді ескере отырып, смартфондар мен планшеттерге арналған мобильді қосымшаны құру үшін «Цифрлық сауаттылық» курсы бойынша цифрлық мазмұн элементтерінің тізімі мен жіктелуі анықталды.