Айнымалы типтегі теңдеулер үшін шеттік есептер классикалық зерттеу объектілерінің бірі болып табылады. Жұмыста айнымалы типтегі теңдеулер үшін шеттік есептердің шешімділігі зерттелген. Айнымалы типті теңдеулердің практикалық маңыздылығы ерекше. Сонымен қатар, олардың зерттеуі математиканың әртүрлі салаларының атап айтар болсақ, дербес туындылы дифференциалдық теңдеулер теориясында, функционалдық талдау теориясының дамуымен байланысты. Берілген жұмыстың мақсаты айнымалы типті теңдеу үшін шеттік есептің шешімділігін зерттеу болып табылады. Айнымалы типті теңдеудің шешімділігін регуляризация әдісі, Гельдер, Юнг теңсіздіктері және априорлық бағалау әдістерін пайдалану арқылы дәлелденген. Сонымен бірге, бұл жұмыста  мүшесі теңдеудің сол жағында болған жағдай үшін де шеттік есептің регулярлы шешімі бар және жалғыздығы дәлелденген. Айнымалы типтегі теңдеулерге арналған шеткі есептер ғылымның көптеген салаларында қолданылады, физиканың кванттық электроника, плазма физикасы, ядролық физика салаларында, сондай-ақ айнымалы типті теңдеуге мысал болатын Келдыш теңдеуі ұшақ құрастыру есептеулерімен тығыз байланысты болса, Трикоми есебі газодинамика саласына өз септігін тигізді. Сонымен қатар, механика, геофизика, химия, молекулалық биология, ғылым салаларында қолданысы бар.