Мақалада мектеп геометрия курсындағы есептердің берілу шартын және  шешімін зерттеу процесінің өзектілігі мен  қазіргі білім беру жүйесінде оқушылардың ойлау дағдыларын дұрыс қалыптастырудың практикалық маңыздылығы туралы туралы баяндалған. Мақалада геометриялық есептерді шешудегі басты ерекшелік – оқушы өз назарын есептің берілуіне аудара отырып, оның берілу шартының дұрыс немесе бұрыс екендігін аңғара білу дағдыларын қалыптастырудың қажеттілігі  қарастырылады. Мектеп геометрия курсындағы есептерді нақты және  дұрыс шеше білу арқылы оқушылардың логикалық ойлау, тұжырымдамалық ойлау дағдылары тез дамиды. Геометриялық есептердің мәтіні анық немесе толық берілмеуінен оқушылардың басым көпшілігі ҰБТ кезінде тест сұрақтарынан төмен нәтиже алды, оның мысалы ретінде бірнеше тест есептері келтіріліп, белгісіздіктердің себептері көрсетілген. Мақаланы талдау кезінде мектеп геометрия курстарындағы есеп шартының анық берілмеуінің маңызды  жағдайлары қарастырылып, қорытынды бөлімінде болашақта осы қарастырылған олқылықтардың алдын алу туралы қысқаша нұсқаулық берілген.