Бұл мақалада Максвелл теңдеулеріне негізделген магниттеллурлық зондылау (МТЗ) әдісінің тура және кері есептерін шешудің теориялық және сандық тәсілдері қарастырылған. Әртүрлі электр кедергілеріне ие горизонталь қабатталған изотропты орта үшін геоэлектрлік модельдің математикалық сипаттамасы берілген. Кері есепті шешу үшін оптималды басқару әдісі мен түйіндес теңдеулер аппараты қолданылды. Бақылау деректері бойынша электр өткізгіштіктің таралуын қалпына келтіру үшін градиенттік итерациялық алгоритм жасалды. Сандық эксперименттер ұсынылған әдістің орнықтылығын және жинақтылығын көрсетті: итерациялар саны артқан сайын функционалдың мәні азайып, параметрлердің қалпына келтірілген мәндері нақты шешімге жақындай түсті. Алынған нәтижелер МТЗ әдісінің геоэлектрлік құрылымды түсіндірудегі тиімділігін және Жер қыртысының терең қабаттарының электрофизикалық қасиеттерін бағалаудағы қолданбалы маңыздылығын дәлелдейді.