Оқу процесіне жаңа технологияны енгізу оны ұйымдастырудағы мүмкіндіктердің кеңеюіне әкеледі, сонымен
қатар осы технологияны белгілі бір пәннің оқу процесіне бейімдеуге бағытталған педагогикалық іздеуді қамтиды.
Мақалада математика пәнінің белсенділік құрамы мен мазмұнының ерекшеліктеріне негізделген математикадан
оқу жетістіктерін критериалды бағалау технологиясы ұсынылған. Бұл технологияның ерекшелігітапсырмаларды шешу кезінде білім алушылар дескрипторлар жасайды, олар кейіннен формативті және жиынтық
бағалауда қолданылады. Әрбір дескриптор есепті шешу алгоритмінің қадамы болып табылады. Нүктеден
жазықтыққа дейінгі қашықтықты табуға арналған дескрипторларды құру үлгісі келтірілген, есепті шешудің
әртүрлі тәсілдері мен әдістеріне негізделген альтернативті дескрипторлардың нұсқалары қарастырылған.
Қарастырылған әдіс білім алушыларды бағалау процесін жобалауға тартуға ықпал етеді. Нәтижесінде
оқушыларда бағалау критерийлері туралы нақты түсінік қалыптастырады және осылайша ашықтық қағидаты іске
асырылады, сондай-ақ критериалды бағалаудың дидактикалық әсері күшейтіледі.