Бұл мақалада типтік оқу жоспарлары мен типтік оқу бағдарламаларын сараптауда мазмұн сапасын бағалау технологиясы талқыланады. Сызықтық-концентрлі түрде жасалынған дәстүрлі және жаңартылған типтік оқу бағдарламаларын зерттеу нәтижелері ұсынылған. Типтік оқу бағдарламаларының мета-пәндік бағдарлануымен байланысты іске асыру мәселелері көрсетілген. Әрбір жеке пән бойынша жоспарлауды көздейтін жаңа форма ұсынылды. Жаңартылған типтік оқу бағдарламаларының негізгі мазмұнды айырмашылықтарының ішінде орта білімнің құндылықтары, күтілетін нәтижеге сәйкес бағдарламалардың құрылымы, пәндік оқу жоспарларының спиральді құрылымы, білім беру мақсаттарының таксономиясы, функционалдық сауаттылық, білім беру пәндерінің бөлімдері мен тақырыптарының мазмұнының қазіргі тенденцияларға сәйкестігі және әлеуметтік маңызы бар құзыреттілікті дамытуға және қалыптастыруға бағдарлану және т.б. қарастырылды. Типтік оқу жоспарлары мен типтік оқу бағдарламаларын бағалау және сараптамалық шешімдер қабылдау технологиясын жетілдіру ұсынылады.

Бұл зерттеу Қазақстан Республикасы Білім және ғылым министрлігі Ы.Алтынсарин атындағы Ұлттық білім академиясында «Білім мен ғылым жүйесін жаңғыртудың ғылыми негіздері» атты  ғылыми -техникалық бағдарламасы аясында жүргізілді.