Мақалада тест  тапсырмаларының сапасы және оның білімгердің білім деңгейін  бағалау шынайылығына әсері қарастырылады. Заман талабына сай аралас оқыту форматында білімгердің алған білім деңгейін бағалауда тест сапасын арттыру өзекті мәселе.  Сонымен қатар, мақала барысында заманауй тест құру теориясының ерекшелігіне, және оның классикалық теориядан айырмашылығына тоқталамыз. Жалпы алғанда тест сапасын ғылыми тұрғыдан негіздеу процессін үш кезеңге бөліп қарастыруға болады. Бірінші кезең – эмпирикалық мәліметтерді жинау, екінші кезең – эмпирикалық мәліметтерді өңдеу, үшіншісі – өңдеу нәтижесін тест сапасының деңгейін көтеру  мақсатында талдау. Мақаланың басты мақсаты – эмпирикалық мәліметтерді талдау арқылы тест сапасын анықтау, және оны жақсарту жолдарын көрсету. Бұл мақсатқа  математика – статистикалық аппаратты, MatLab пакетінің функционалдық мүмкіндіктерін қолдана отырып қол жеткіздік. MatLab – техникалық есептеулерді, визуалдауды, программалауды жүзеге асыратын жоғарғы өнімді, интерактивті жүйе. Жүйесінің жұмысы матрица, векторларға негізделгендіктен, саналуан есептерді программалау тілдерін қолданып есептеулерден әлдеқайда жылдам жүзеге асырады. Ал зерттеу әдісі ретінде статистикалық  анализ қолданылды. Аралық нәтижелерді талдау бірнеше кесте, диаграммалар арқылы көрсетілді.