Мақалада әртүрлі механикалық құбылыстарды математикалық әдістер көмегімен зерттеу қарастырылған. Зерттеу барысында бұл құбылыстарды сипаттайтын трансценденттік теңдеулер құрылған. Трансценденттік теңдеулерді аналитикалық жолмен шешу мүмкін емес екені белгілі. Сондықтан мұндай теңдеулердің түбірлерін табудың оңтайлы әдістері зерттеліп сараланған. Жұмыста трансценденттік теңдеулерді шешудің  графикалық және компьютерлік әдістері тиімді тәсілдер ретінде қарастырылды.

Теңдеулердің түбірін белгілі бір дәлдікпен табу үшін сандық әдістер қолданылған. Сандық әдістер ретінде біртіндеп жуықтау әдісі, итерациялық әдіс, жартылап бөлу және хорда тәсілдері пайдаланылған.  Бірнеше теңдеу компьютерлік бағдарламалар көмегімен шешілген. Аталған бағдарламалар Python  және MathCAD  ортасында жасалған. Мақалада қарастырылған  мысалдарды орындау барысында білім алушыларда механика, математика және компьютерлік ғылымдар арасындағы терең байланысты сипаттайтын білім жүйесі  қалыптасады.